Кэмбридж принцессата Шарлотта

Кембридж герцогинятын иккистээн оһоҕостооҕун туһунан Харалыаба дьиэ кэргэнэ 2014 сыл балаҕан ыйын 8 күнүгэр иһитиннэрбиттэрэ^[7][8]. Герцог дьиэ кэргэнин ситим-сиригэр 2014 сыл алтынньы 20 күнүгэр 2015 сыл муус устар ыйыгар кэтэһэллэрин туһунан суруйбуттара^[9].

2015 сыл муус устар 9 күнүгэр оҕо Лондоҥҥа төрүүрэ биллибитэ, ол балыыһаҥа убайа, аҕата уонна абаҕата төрөөбүттэрэ^[10]. Муус устар 24 күнүн сарсыардатыгар букмекердар этэллэринэн, британецтар улахан чааһа ыраахтааҕы дьиэ кэргэнин саҥа чилиэнэ муус устар 24 эбэтэр 25 күнүгэр төрүөҕэ диэн эрэллээх этилэр^[11]. Ол гынан баран, оннук буолбатаҕа. Салгыы муус устар 29 күнэ буолуон сөп дэммиттэрэ^[12].

Кэмбридж принцессата ыам ыйын 2 күнүгэр Лондон бириэмэтинэн сарсыарда 8:34 аҕата баарыгар төрөөбүтэ. Ыйааһына 3,71 кг этэ^[13]. Кембридж принцессата ийэтин кытта киэһээ балыыһаттан тахсыбыттара. Ыам ыйын 4 күнүнэр аата Шарлотта Елизавета Диана буоларын туһунан иһитиннэрбиттэрэ.

Принцесса сүрэхтэниитэ 2015 сыл от ыйын 5 күнүгэр Сибэтиэй Мария госпиталигар (нууч.) (сах. Норфолктааҕы Анмер Холл поместьеҕа буолбута^[14]. Тэрээһини Кентербери архиепископа Джастин Уэлби толорбута. Принцесса Шарлотта крестнай төрөппүттэрэ төрөппүттэрин сыганнара уонна чугас доҕотторо буолбуттара^[15] — ытыктабыллаах Лаура Феллоуз (кэргэн аата Петтман), принцесса Диана (нууч.) (сах. сиэн кыыһа уонна эдьиийин Джейн Феллоус кыыһа; Адам Миддлтон — Кембридж герцогинятын сиэн быраата, Майкл Миддлтон быраатын уола; Томас ван Страубензе — Кембридж герцогун чугас доҕоро; Джеймс Мид — эмиэ Принц Уильям Итон колледжыгар үөрэнэр кэмиттэн чугас доҕоро; Софи Картер — Кембридж герцогинятын доҕоро.

Бэчээт 2016 сыл ыам ыйын саҥатыгар, Шарлотта биир сааһын туолбутугар, принцесса туһунан элбэҕи суруйбута. Төрөөбүт күнүгэр принцесса 64 дойдуттан бэлэх туппута; ол иһигэр Дэвид Кэмеронтан^[16] Ганс Христиан Андерсен остуоруйаларын кинигэтэ уонна Natural Sapphire Company диэн амерканскай компанияттан күндү таастардаах үрүҥ кыһыл көмүс тыаһатар оонньуур^[17].

2018 сыл тохсунньу ыйтан саҕалаан Шарлотта Лондоҥҥа, Кенсингтон дыбарыаһын аттыгар баар оҕо саадыгар сылдьар^[18]. 2019 сыл балаҕан ыйыгар убайа Джордж үөрэнэр Баттерси оскуолатыгар киирбитэ^[19]. 2022 сыл атырдьах ыйыгар дьиэ кэргэн Беркширга Аделаида коттеджка көспүтэ, уонна Уэльс принцын уонна принцессатын оҕолоро бары Ламброук оскуолатыгар үөрэнэ барбыттара^[20].

Британия монархиятыгар баар ыраахтааҕы дьиэ кэргэттэрин титуллуур быраабылаларынан, Шарлотта төрөөбүтүн кэннэ тута «Ее Королевское Высочество принцесса Шарлотта Кембриджская» диэн ааттанар быраап ылбыта (Британскай үгэс быһыытынан, толору официальнай титул, быраабыла быһыытынан, эбии тус ааттары киллэрбэт). Хос эбээтэ Елизавета II өлбүтүн кэннэ, 2022 сыл бала5ан ыйын 8 күнүгэр, кини Корнуолл уонна Кембридж Шарлоттата диэн ааты ылбыта, онтон балаҕан ыйын 9 күнүгэр, эһээтэ аҕатыгар Уэльс принцын аатын биэрбитигэр, кини Уэльс Шарлоттата буолбута.

СМИ иһитиннэрэринэн, принцесса Шарлотта королеваҕа эмоциональнай ытыктабыл бэлиэтин быһыытынан ыраахтааҕы дьиэ кэргэнигэр Эдинбург герцогинятын (нууч.) (сах. аатын ылыахтааҕа^[21]. Ол эрээри, 2023 сыл кулун тутар 10 күнүгэр хоруол Карл III кыра быраатын, Уэссекс грааба принц Эдвард төрөөбүт күнүн кэмигэр, киниэхэ Эдинбург герцогун титулун иҥэрбитэ^[22].