Нуучча тылынанАнал бырайыактар
Тылы уларыт
УРУБИИКИ ТУҺУНАН

Куоска күнэ

Куоска күнэ — куоскаҕа аналлаах аан дойдуга атырдьах ыйын 8 күнүгэр бэлиэтэнэр күн. Бу күн дьон куосканы өрө туталлар, кинини таптыылларын, ытыктыылларын көрдөрөллөр.

Аан дойдуга бу күнү бэлиэтиири 2002 сыллаахха Animal Welfare пуонда көҕүлээбитэ[1]. Сорох дойдуларга атын күҥҥэ эмиэ бэлиэтииллэр. Холоубр, Арассыыйаҕа кулун тутар 1 күнүгэр бэлиэтииллэр.

Арассыыйаҕа куоска саас биир бэлиэтэ, кулун тутар ый "куоска ыйын" быһыытынан ааҕыллар. Бу бырааһынньыгы 2004 сыллаахха Куоска Москубатааҕы түмэлэ уонна «Кот и пёс» диэн сурунаал эрэдээксийэтэ бэлиэтиир буолбуттара.

АХШ-ка куоска күнүн алтынньы 29 бэлиэтииллэр. Куоска күнүн саайта кэпсииринэн[2], бу бырааһынньык 2005 сыллаахтан Америка кыылы эрэйдиири утарар уопсастыбатын көҕүлээһининэн бэлиэтэнэр[3][4].

Японияҕа Куоска күнэ олунньу 22 бэлиэтэнэр. Дьоппуон тылыгар куоска саҥата «нян-нян-нян» диэнинэн бэриллэр, оттон «нян» дьоппуон тылыгар «икки» сыыппара, ол иһин «икки-икки-икки» диэни иккис ый 22-с күнэ диэн көрүөххэ сөп. Бу күн Токио куоракка куоска бэстибээлэ ыытыллар, ураты дьоҕурдаах куоскаларга бириис биэрэллэр. Бырааһынньык 1987 сылтан ыытыллар[5].

Польшаҕа Куоска күнэ олунньу 17 бэлиэтэнэр. Бырааһынньык кыттыылаахтарын сабынан оонньотоллор, араас өҥнөөх сапка сууламмыт куоскалары хаартыскаҕа түһэрэллэр.[6].

Италияҕа сэтинньи 17 күнүгэр хара куоска күнүн бэлиэтииллэр. орто үйэлэргэ дьон хара куосканы абааһы кыыла дии саныыра[6]. Билигин итальянецтар ол буруйдарын боруостаан, атын дьоҥҥо куоска туох да буруйа суоҕун санаталлар.

Бельгияҕа үс сыл буола-буола ыам ыйын иккис баскыһыанньатыгар Ипр куоракка Каттенстут диэн куоска параадын ыыталлар[6].

Быһаарыылар

  1. ↑ International Cat Day 2014: Cat Lovers Worldwide Celebrate Feline Obsession, International Business Times, IBT Media Inc. (9 Атырдьах ыйын 2014). Сигэнии күнэ: 10 Атырдьах ыйын 2014.
  2. ↑ NationalCatDay.com
  3. ↑ Editors of Chase's Calendar of Events Chase's Calendar of Events, 2011 Edition : The Ultimate Go-to Guide for Special Days, Weeks and Months: The Ultimate Go-to Guide for Special Days, Weeks and Months. — McGraw Hill Professional, 2010. — ISBN 978-0-07-174027-2. — «NATIONAL CAT DAY. Oct 29. Every year approximately 4 million cats enter shelters—and 1–2 million are euthanized. Often cats are overlooked and under-appreciated because they don't usually have jobs like dogs. Yet cats still lower blood ...».
  4. ↑ Visser, Nick. National Cat Day 2013: It's Time To Celebrate Our Feline Pals, Huffingtonpost.com (29 Алтынньы 2013). Сигэнии күнэ: 29 Алтынньы 2013.
  5. ↑ 22 февраля
  6. ↑ 1 2 3 Когда празднуется день кошек?

Категориялар