Илии баттааһын
Илии баттааһын (ону тэҥэ тус илии баттааһын), Автограф — киһи бэйэтэ илиитинэн суруйар аата, аҕатын аата, араспаанньата, псевдонима, инициаллара эбэтэр атын хайа баҕарар бэлиэтэ, киһини дьиҥнээҕин туоһулуурга аналлаах.
Арассыыйаҕа балаһыанньата
Арассыыйа суутугар-сокуонугар илии баттааһын туһунан сүрүннүүр балаһыанньа суох. Илии баттааһыны хас биирдии гражданины, аатын уонна олорор сирин тэҥэ, уратылыыр, туоһулуур ньыма быһыытынан билиниэххэ сөп (АБ-тин Гражданскай кодекса 19 уонна 20 ыст)[1]. Пааспар сулууспатын уонна нэһилиэнньэни регистрациялаан учуоттуур салалта быһаарарынан, илии баттааһын, быраабыла быһыытынан, киһи аатын эбэтэр араспаанньатын (кырата хас эмэ) буукубатыттан туруохтаах[2][3], ол эрэн ол быһаарыы нуормаламмыт аакта буолбатах.
Араспаанньаны уларыттахха илии баттааһыны уларытыы, гражданин хайаан да пааспарыгар суруллубут илии баттааһынынан докумуоннары баттыыр эбээһинэстээҕин туһунан сокуоҥҥа суруллубатах[4].
2021 сыллаахха омук стандартын таһымыгар илии баттааһын быһаарыыта киирбитэ: «илии баттааһын: илиинэн сурук, киһини туоһуулуур суолталаах уонна үгэс быһыытынан, араспаанньаны уонна (эбэтэр) ааты, арыт аҕатын аатын бэлиэтиир буукубалар, болдьох сурук бэлиэлэрэ уонна (эбэтэр) буукубата суох сурааһыннар»[5].
Илии баттааһыны мунньуу
Биллиилээх дьон илии баттааһыннара «автограф» дэнэр. Араас малга суруллубут илии баттааһыннары мунньуу (коллекциялааһын) биир көрүҥэ буолар.
Быһаарыылар
Сигэлэр
Эбии бу тиэмэҕэ
 | |
|---|---|
| Библиографическай каталогтарга |
|
