Нуучча тылынанАнал бырайыактар
Тылы уларыт
УРУБИИКИ ТУҺУНАН

Звечаровский Игорь Эдуардович

И́горь Эдуа́рдович Звечаро́вский (1959, Алдан, Саха АССР) — арассыыйа юриһа, юридическай билим дуоктара, бэрэпиэссэр. Юстиция 2-с кылаастаах судаарыстыбаннай сүбэһитэ. 2007—2011 сылларга Арассыыйа Бэдэрээссийэтин прокуратуратын университетын ректорынан үлэлээбитэ. 2025 сыллаахтан О. Е. Кутафин аатынан Москватааҕы государственнай юридическай университет (МГЮА) холуобунай быраап хаапыдыратын сэбиэдиссэйэ[1].

Олоҕун олуктара

1984 сыллаахха Иркутскайдааҕы судаарыстыбаннай университет юридическай бакылтыатын бүтэрбитэ.

1987 сыллаахха юридическай билим хандьыдаата, онтон 1993 — юридическай билим дуоктара буолбута.

1987 сылтан 1996 сылга диэри Иркутскайдааҕы судаарыстыбаннай университекка дассыан, хаапыдыра сэбиэдиссэйин дуоһунастарыгар үлэлээбитэ[2].

1996 сылтан 2001 сылга диэри Арассыыйа Бэдэрээссийэтин прокуратуратын уорганнарыгар үлэлээбитэ, Иркутскай уобалас прокурорун солбуйааччытынан, Арассыыйа бэдэрээссийэтин Генеральнай прокуратуратын Иркутскайдааҕы юридическай институтун дириэктэринэн, ректорынан үлэлээбитэ.

2001 сылтан 2012 сылга диэри Арассыыйа Минюһун арассыыйатааҕы быраап академиятыгар бастакы проректор, онтон ректор дуоһунаһыгар үлэлээбитэ[3].

2007 сыллаахха саҥа тэриллибит үөрэх тэрилтэтин — Арассыыйа Бэдэрээссийэтин Генеральнай Прокуратуратын Академиятын (нууч.) (сах. салайбыта[4]. Ону тэҥэ арассыыйа правовой академиятыгар холуобунай быраап уонна криминология хаапыдыратын бэрэпиэссэрин дуоһунаһыгар салгыы үлэлээбитэ, холуобунай быраап лекцияларын аахпыта. Холуобунай быраап уонна криминология салаатын исписэлииһэ, 80-тан тахса билим үлэ, икки учуобунньук ааптара. Арассыыйа юристарын Ассоциациятын киин сэбиэтигэр киирэр[5].

2012—2013 сс. — Арассыыйа космическай систиэмэлэрэ ААУо (нууч.) (сах. Генеральнай дириэктэрин солбуйааччыта. 2012—2019 сс. — О. Е. Кутафин аатынан Москватааҕы судаарыстыбаннай юридическай университет холуобунай быраап хаапыдыратын бэрэпиэссэрэ[6].

2019 сылтан — О. Е. Кутафин аатынан Москватааҕы судаарыстыбаннай юридическай университет холуобунай быраап хаапыдыратын сэбиэдиссэйин э.т.[1].

Балаҕан ыйын 30 күнүгэр 2019 сыллаахха О. Е. Кутафин аатынан Москватааҕы судаарыстыбаннай юридическай университет (нууч.) (сах. (МГЮА) холуобунай быраап кафедратын сэбиэдиссэйинэн ананар.

Кини научнай салалтатынан 20-тэн тахса хандьыдаат диссэртээссийэтэ көмүскэммитэ, үс дуоктар диссэртээссийэтин билим сүбэһитэ этэ. ҮҮөК учуонай сэбиэтин уонна О. Е. Кутафин аатынан университет базатыгар диссэртээссийэ сэбиэтин чилиэнэ[7].

Бочуоттаах ааттара

  • Бочуот уордьана;
  • Арассыыйа Бэдэрээссийэтин үтүөлээх юриһа;
  • Юридическэй билим дуоктара;
  • Бэрэпиэссэр[7];
  • 2 кылаастаах юстиция судаарыстыбаннай сүбэһитэ;
  • Арассыыйа Бэдэрээссийэтин прокуратуратын Бочуоттаах үлэһитэ.

Быһаарыылар

  1. ↑ 1 2 Звечаровский Игорь Эдуардович (рус.). msal.ru. Сигэнии күнэ: 20 Муус устар 2026.
  2. ↑ Звечаровский Игорь Эдуардович - Известные ученые (рус.). famous-scientists.ru. Сигэнии күнэ: 20 Муус устар 2026.
  3. ↑ Звечаровский Игорь Эдуардович (рус.). nlrs.ru. Сигэнии күнэ: 20 Муус устар 2026.
  4. ↑ История создания Университета — Университет прокуратуры Российской Федерации (рус.). agprf.org. Сигэнии күнэ: 20 Муус устар 2026.
  5. ↑ Профессор Звечаровский Игорь Эдуардович вошел в состав спикеров параллельной сессии «Об изучении эффективности уголовного наказания», Ковалевские чтения, Екатеринбург, Россия. Сигэнии күнэ: 20 Муус устар 2026.
  6. ↑ Преподаватели (рус.). msal.ru. Сигэнии күнэ: 20 Муус устар 2026.
  7. ↑ 1 2 Юбиляры МГЮА: Игорь Звечаровский (рус.). msal.ru. Сигэнии күнэ: 20 Муус устар 2026.

Категориялар