Нуучча тылынанАнал бырайыактар
Тылы уларыт
УРУБИИКИ ТУҺУНАН

Заворотнюк Анастасия Юрьевна

Тургутуллубут ыстатыйа
УРУБИИКИ иһигэр маннык араспаанньалаах дьон туһунан ыстатыйалар бааллар, көр Заворотнюк.

Анастасия Юрьевна Заворотнюк (1971 муус устар 3, Астрахань — 2024 ыам ыйа 29, Москва) — Арассыыйа тыйаатырын уонна киинэтин артыыһа, телеведущай, РФ үтүөлээх артыыһа, «ТЭФИ» (2005), Кыһыл көмүс Остап (2005) бириэмийэлэрин кыайыылааҕа.

«Моя прекрасная няня» диэн нуучча комедиятыгар Виктория Прутковская оруолунан киэҥник биллибитэ[1].

Биография

Дьиэ кэргэнэ

Анастасия Заворотнюк 1971 сыллаахха балаҕан ыйын 3 күнүгэр Астрахань куоракка айар куттаах дьиэ кэргэҥҥэ төрөөбүтэ[2][3]. Аҕата— Заворотнюк Юрий Андреевич (1945—2014), режиссер, Арассыыйа телевидение Акамедиятын чилиэнэ. Ийэтэ — Заворотнюк Валентина Борисовна (төр. 1943), сэбиэскэй уонна Арассыыйа тыйаатыр артыыһа, Арассыыйа норуодунай артыыһа, Астрахань эдэр көрөөччүлэр судаарыстыбаннай тыйаатырдарыгар сулууспалаабыта. Убайа — Святослав Заворотнюк (1965—2018), Астрахаҥҥа монтаж режиссёра этэ, 52 сааһыгар өлбүтэ[4][5]. Аҕа өттүттэн эһэтэ уонна эбэтэ казактар ​​этилэр[2].

Оҕо сааһа

Анастасия оҕо эрдэҕиттэн тыйаатырга тардыһыылаах этэ, артыыс буолар баҕа санаалааҕа. Кыыс артыыс дьиэ кэргэннэригэр улааппыт, уонна элбэхтэ кулиса кэннигэр сылдьарга күһэллибитэ. Оскуолаҕа үөрэҕин кытта тэҥҥэ музыкаҕа уонна үҥкүүгэ үөрэммитэ, «Лотос» үҥкүү ансаамбылыгар сылдьыбыта. Оскуоланы бүтэрэн баран, Астрахань судаарыстыбаннай педагогическай институтун устуоруйа салаатыгар үөрэнэ киирбитэ, онно биир сыл үөрэнэн, МХАТ оскуолатыгар Авангард Николаевич Леонтьев кууруһугар барбыта[6].

Үлэ

Анастасия Заворотнюк киинэҕэ бастакытын 1991 сыллаахха Владимир Набоков романыгар олоҕурбут Тамара Павлюченко режиссердаабыт «Машенька» диэн киинэҕэ уһуллубута. Оччолорго өссө да устудьуон этэ[7]. Артыыс дипломун ылан баран, Анастасия Москватааҕы Олег Табаков («Табакерка») тыйаатырыгар үлэҕэ ыҥырыллыбыта[6][7]. Онно 10 сыл үлэлээбитин тухары 29 испэктээккэ оонньообута[2]. Бастакынан Владимир Машков режиссердаабыт «Страсти по Бумбарашу» испэктээкил буолбута[6].

1990-с сыллааҕы мультиктары куоластаан саҕалаабыта. Кини куолаһын Кристофер Робиҥҥа, «Винни-Пух уонна Рождество» (1991) уонна «Винни-Пух саҥа сырыылара» (1992—1993) мультипликационнай киинэлэр геройдарыгар биэрбитэ[8]. Артыыс 2000-с сыллар саҥаларыгар Владимир Любомудров режиссердаах «Наследник» (2002) уонна Егор Дружинин уонна Феликс Михайлов режиссердаах «Ночь в стиле детства» (2005) киинэлэргэ уһуллубута[7][8].

Заворотнюк «Моя прекрасная няня» диэн нуучча комедиятыгар Вика няня оруолун толорбутун кэннэ киэҥ биллибитэ. Анастасия бырайыакка түбэспиччэ киирбитэ — дьиэ кэргэнинээн Анапаҕа сынньана сылдьан прослушиваниеҕа ыҥырыллыбыта, тута сөбүлэһэн Москваҕа барбыта. Бу оруол артыыһы биллиилээх эрэ оҥорбокко, үс бириэмийэни аҕалбыта — «ТЭФИ», «Кыһыл көмүс Остап» уонна «Glamour»[7].

Кэлин Заворотнюк киинэлэргэ, сериалларга 20-тэн тахса оруолу оонньообута: «Код апокалипсиса» (2007), «Гоголь. Ближайший» (2009), «Служебный роман. Наше время» (2011), «Мамы» (2012)[7][8] уо. д. а.

Заворотнюк артыыстыырын таһынан, аралдьытар биэриилэргэ телеведущай быһыытынан үлэлээбитэ: «Хорошие песни» «СТС» канаалыгар (2005), «Кухня для чайников» (2005), «Танцы со звёздами» (2005), «Танцы на льду» (2005), «Ледниковый период» «Бастакы канаалга» Марат Башаровы (2008), Ирина Слуцкойы (2009) уонна Петр Чернышёвы (2014) кытта . Телешоуга соведущай быһыытынан үлэлээбитэ: «Брачные игры» («Бастакы канаал», 2010) Дмитрий Дибровы кытта, «Лёд и пламень» («Бастакы канаал», 2010) Марат Башаровтыын икки буолан[7][8]. Артыыс «Две звезды» бырайыак бастакы сезонугар кыттыбыта[9]. Михаил Боярскайы кытта финалга тахсан иккис миэстэ буолбуттара[10].

Тус олоҕо

Бастакы кэргэнэ Олаф Шварцкопф, ниэмэс урбаанньыта, урукку байыаннай летчик, Анастасияттан 12 сыл аҕа этэ. Германияҕа 1993—1994 сылларга хас да ый бииргэ олорбуттара, ол кэнниттэн Анастасия Арассыыйаҕа төннүбүтэ[11][12][13].

Иккис кэргэнэ Дмитрий Стрюков диэн урбаанньыт, Москва куоракка массыына атыылыыр кииннээх этэ. Ыал буолуу кэмигэр икки оҕону төрөппүттэр — Анна (1996)[14] уонна Майкл (2000, Америка Холбоһуктаах Штаттарыгар төрөөбүт). Анна Нью-Йорка продюсерынан үлэлээбитэ, билигин блогер уонна модель[15]. Майкл МГИМО-ну бүтэрбитэ[4][16].

2006 сыллаахха, «Моя прекрасная няня» киинэ устар сиригэр, сериал продюсера уонна артыыһа Сергей Жигуновы кытта билсибитэ, тапталлара икки сыл кэриҥэ барбыта[17].

Үһүс кэргэнэ — Пётр Чернышев, фигурист. Кинилэр 2008 сыллаахха ыал буолбуттара, онтон 2018 сыллаахха алтынньыга Мила диэн кыыстара төрөөбүтэ[18]. Кэргэнниилэр Ялта кытылыгар каток арыйбыттара[3].

Ыарыы

Заворотнюк 2019 сыл сайыныгар айар үлэтин тохтоппута[19]. Кэлин биллибитинэн, кини мэйиитигэр искэннээх диэн диагноз туруорбуттара, эмтэнэ сылдьара[20]. Бу туһунан РАН В. А. Энгельгардт аатынан Молекулярнай биология институтун дириэктэрэ Александр Макаров кэпсээбит[21][22][23][24].

Кини 2024 сыллаахха ыам ый 29 күнүгэр[25] Москва хоспиһыгар 53 сааһыгар уһун онкологическай ыарыыттан (мэйии глиобластомата) өлбүтэ[26]. Анастасия Заворотнюк бэс ый 1 күнүгэр Москваҕа Троекуровскай кылабыыһатыгар көмүллүбүтэ[27].

Айар үлэтэ

Тыйаатырга оруоллара

  • «Страсти по Бумбарашу» — Варя
  • «Обыкновенная история» — Наденька
  • «Билокси-блюз» — Дэззи
  • «Матросская тишина» — Таня
  • «Миф о Дон-Жуане» — Жанэт
  • «Псих» — Таня / Оля
  • «Анекдоты» — Катишь
  • «Прощайте… и рукоплещите» — Марианна
  • «Ещё Ван Гог» — клиникаҕа кыыс
  • «Признания авантюриста Феликса Круля» — Элинор Твентимэн
  • «Опасные связи» — Эмили
  • «Последние» — Надежда
  • «Секс, ложь и видео» — Синтия Бишоп
  • «Ужин с дураком»
  • «Всё как у людей» — Сюзетта
  • «100 йен за услугу»
  • «Не всё коту масленица» А. Н. Островский — Агния
  • «Звёздный час по местному времени»
  • «Идиот» Ф. М. Достоевский
  • «На всякого мудреца довольно простоты» А. Н. Островского
  • «На дне» М. Горький
  • «Старый квартал»
  • «Третий лишний»
  • «Все мужчины делают это»[7][8]

Фильмография

Озвучивание мультфильмов

Телевидение

Документальнай киинэ

  • Анастасия Заворотнюк. В поисках любви. Первый канал. Документальный фильм, 2009. Режиссёр Наталья Казакова.

Клиптар

  • 2014 — «Только любовь починит» (Би-2, OST «Мамы-3»)[35]

Наҕараадалар

Судаарыстыбыннай наҕараадалар

  • Арассыыйа Федерациятын үтүөлээх артыыһа (2006 сыл кулун тутар 27 күнэ) — искусствоҕа үтүөлэрин иһин[36].

Общественнай наҕараадалар

  • «Кыһыл көмүс Остап» бириэмийэ («Бастыҥ дьахтар комедия оруола» номинация, 2005) — «Моя прекрасная няня» күлүүлээх телесериалга няня Виктория Прутковская оруолугар
  • «Обложка года» бириэмийэ («Сыл арыйыыта», 2005 номинация)
  • «Top X Sexy» бириэмийэ («Самая сексуальная актриса» номинация , 2005)
  • «ТЭФИ» телевизионнай бириэмийэ — «Моя прекрасная няня» диэн күлүүлээх телесериалга няня Виктория Прутковская оруолугар
  • «Glamour» сурунаал бириэмийэтэ («Тэлэбиидэнньэ сыл бастыҥ артыыһа» номинацията», 2005) (Арассыыйа)
  • «Алтан сэттэ» бириэмийэ («Отечественная актриса-секс-символ» номинация, 2005)
  • «Теленеделя» бириэмийэ («Сыл бастыҥ тэлэбиидэнньэ артыыһа» номинация, 2006)
  • «Алтан сэттэ» бириэмийэ («Бастыҥ артыыc» номинация, 2007)
  • Арассыыйа ФСБ бириэмийэтэ («Артыыс үлэтэ» номинация, 2007) — «Код Апокалипсиса» уус-уран киинэҕэ ФСБ офицерын оруолугар
  • Алтан сэттэ» бириэмийэ («Бастыҥ артыыс» номинация, 2008)[37][38]

Быһаарыылар

  1. ↑ Энциклопедия ТАСС, 2024. Заворотнюк, Анастасия Юрьевна
  2. ↑ 1 2 3 Анастасия Заворотнюк. Вокруг ТВ. Сигэнии күнэ: 14 Алтынньы 2023. Архивировано 20 Алтынньы 2013 года.
  3. ↑ 1 2 Инна Фомина. Анастасия Заворотнюк: «Петя всё терпел». 7 дней (28 Балаҕан ыйын 2009). Сигэнии күнэ: 14 Алтынньы 2023. Архивировано из оригинала 6 Муус устар 2010 года.
  4. ↑ 1 2 Ольга Либгардт. Отец и брат Заворотнюк умерли один за другим. Комсомольская правда (6 Муус устар 2019). Сигэнии күнэ: 14 Алтынньы 2023. Архивировано 9 Балаҕан ыйын 2019 года.
  5. ↑ Скоропостижно скончался брат Анастасии Заворотнюк Архивная копия от 28 Бэс ыйын 2018 на Wayback Machine, Телеканал «Астрахань 24», 8 апреля 2020
  6. ↑ 1 2 3 Анастасия Юрьевна Заворотнюк. Актриса, телеведущая. Biographe.ru. Сигэнии күнэ: 14 Алтынньы 2023.
  7. ↑ 1 2 3 4 5 6 7 8 9 10 11 12 13 14 15 16 Анастасия Заворотнюк. Биография. Zavorotnuck.ru. Сигэнии күнэ: 14 Алтынньы 2023.
  8. ↑ 1 2 3 4 5 6 7 8 9 10 11 12 13 14 15 16 Мария Волуйская. Актриса Анастасия Заворотнюк. Досье. Аргументы и факты (12 Алтынньы 2019). Сигэнии күнэ: 14 Алтынньы 2023.
  9. ↑ Анастасия Заворотнюк и Михаил Боярский - Две Звезды 2012. YouTube (1 Тохсунньу 2012). Сигэнии күнэ: 15 Алтынньы 2023.
  10. ↑ «Две звезды». Just the two of us. 24smi.org. Сигэнии күнэ: 15 Алтынньы 2023.
  11. ↑ Олаф Шварцкопф. Театр одной актрисы Архивная копия от 15 Атырдьах ыйын 2020 на Wayback Machine, Май 2012
  12. ↑ Памяти Анастасии Заворотнюк. Документальный фильм. Первый канал, 1 июня 2024
  13. ↑ Анастасия Заворотнюк. В поисках любви. Документальный фильм, 2009. Режиссёр Наталья Казакова
  14. ↑ Анна Заворотнюк. Вокруг ТВ. Сигэнии күнэ: 14 Алтынньы 2023. Архивировано 26 От ыйын 2013 года.
  15. ↑ Инга Брудер. Дочь Заворотнюк стала моделью, а наследница Шнура - дизайнером: чем занимаются дети российских звезд. Сайт KP.RU выяснил, какие профессии выбрали дочери знаменитостей. Комсомольская правда (8 Муус устар 2023). Сигэнии күнэ: 14 Алтынньы 2023.
  16. ↑ Алина Щеглова. Сын Анастасии Заворотнюк окончил МГИМО. Кто из семьи пришёл его поддержать. Сын Анастасии Заворотнюк Майкл окончил МГИМО. Об этом рассказала в соцсетях его сестра — Анна Заворотнюк. Новый очаг (9 От ыйын 2023). Сигэнии күнэ: 14 Алтынньы 2023.
  17. ↑ Алина Чернова. Новая возлюбленная Сергея Жигунова сделала пластику и стала копией Заворотнюк. Продюсер Сергей Жигунов живёт с 47-летней Викторией Ворожбит, но до сих пор не может забыть звезду «Моей прекрасной няни». Комсомольская правда (27 Ыам ыйын 2020). Сигэнии күнэ: 15 Алтынньы 2023.
  18. ↑ У Анастасии Заворотнюк и Петра Чернышёва родилась дочь: первое фото ребёнка пары. Сигэнии күнэ: 14 Алтынньы 2023. Архивировано 13 Кулун тутар 2019 года.
  19. ↑ Анастасия Заворотнюк и её семья просят прекратить спекуляции вокруг здоровья актрисы. ТАСС (6 Алтынньы 2019). Сигэнии күнэ: 14 Алтынньы 2023. Архивировано 6 Алтынньы 2019 года.
  20. ↑ В окружении Заворотнюк подтвердили, что актриса проходит курс лечения. ТАСС. Сигэнии күнэ: 14 Алтынньы 2023. Архивировано 19 Алтынньы 2019 года.
  21. ↑ Стал известен настоящий диагноз Анастасии Заворотнюк. Семь дней (издательский дом) (14 Ыам ыйын 2020). Сигэнии күнэ: 14 Алтынньы 2023. Архивировано 21 Ыам ыйын 2020 года.
  22. ↑ Генетики подобрали вирусы для лечения рака у Анастасии Заворотнюк. Интерфакс (14 Ыам ыйын 2020). Сигэнии күнэ: 14 Алтынньы 2023. Архивировано 14 Ыам ыйын 2020 года.
  23. ↑ Учёные рассказали о борьбе с опухолью Анастасии Заворотнюк. ТАСС (14 Ыам ыйын 2020). Сигэнии күнэ: 14 Алтынньы 2023. Архивировано 21 Ыам ыйын 2020 года.
  24. ↑ Совещание о развитии генетических технологий в России. Президент России (14 Ыам ыйын 2020). Сигэнии күнэ: 14 Алтынньы 2023. Архивировано 16 Ыам ыйын 2020 года.
  25. ↑ Умерла Анастасия Заворотнюк. РИА Новости (30 Ыам ыйын 2024). Сигэнии күнэ: 30 Ыам ыйын 2024.
  26. ↑ Умирала в хосписе на руках у мужа: что известно о последних днях жизни Анастасии Заворотнюк(биллибэт). news.rambler.ru (30 Ыам ыйын 2024). Сигэнии күнэ: 30 Ыам ыйын 2024.
  27. ↑ Заворотнюк похоронят на Троекуровском кладбище в Москве. РБК (30 Ыам ыйын 2024). Сигэнии күнэ: 30 Ыам ыйын 2024.
  28. ↑ Попугай Club. 2013. Кинопоиск. Сигэнии күнэ: 15 Алтынньы 2023.
  29. ↑ Николай Цискаридзе, ведущий солист Большого театра: "Я признался в любви Заворотнюк. Она сказала, что это взаимно!". Один из судей проекта «Танцы на льду» делится впечатлениями от шоу. Комсомольская правда (19 Алтынньы 2006). Сигэнии күнэ: 14 Алтынньы 2023. Архивировано 7 Кулун тутар 2017 года.
  30. ↑ Ъ-Газета — Между войной и миром. Анастасия Заворотнюк против Максима Галкина. Сигэнии күнэ: 14 Алтынньы 2023. Архивировано 10 Сэтинньи 2011 года.
  31. ↑ Раньше всех. Известия (27 Атырдьах ыйын 2010). Сигэнии күнэ: 14 Алтынньы 2023. Архивировано 21 Бэс ыйын 2015 года.
  32. ↑ Ку-ка-ре-ку, Настя! Теленеделя с Александром Мельманом. Московский комсомолец (28 Кулун тутар 2013). Сигэнии күнэ: 14 Алтынньы 2023. Архивировано 27 Муус устар 2018 года.
  33. ↑ Премьеры НТВ: «Новое утро» с Анастасией Заворотнюк и новое ток-шоу. НТВ (19 Олунньу 2016). Сигэнии күнэ: 14 Алтынньы 2023. Архивировано 31 Ахсынньы 2017 года.
  34. ↑ Максим Аверин и Анастасия Заворотнюк узнают тайны создания великих кинолент (рус.). Экспресс газета. Сигэнии күнэ: 14 Алтынньы 2023. Архивировано 27 Балаҕан ыйын 2016 года.
  35. ↑ Би-2 – Только любовь починит feat. Elizaveta feat. А. Заворотнюк (OST «Мамы 3»), 2014. YouTube (18 Сэтинньи 2014). Сигэнии күнэ: 15 Алтынньы 2023.
  36. ↑ Указ Президента Российской Федерации от 27.03.2006 г. № 266 «О награждении государственными наградами Российской Федерации». Сигэнии күнэ: 14 Алтынньы 2013. Архивировано 30 От ыйын 2017 года.
  37. ↑ Заворотнюк Анастасия Юрьевна. Rus.team (3 Муус устар 2023). Сигэнии күнэ: 15 Алтынньы 2023.
  38. ↑ Тимофей Борисов. Анастасия Заворотнюк получила премию ФСБ. Российская газета (18 Ахсынньы 2007). Сигэнии күнэ: 15 Алтынньы 2023.

Категориялар