Ефимов Никодим Николаевич

Ефимов Никодим Николаевич

Ефимов Никодим Николаевич (15.11.1928—1992) — физико-математическай билим доктора, профессор.

Олоҕун олуктара

• 1928 сыллаахха сэтинньи 15 күнүгэр Саха АССР Абый оройуонугар төрөөбүт.
• 1945—1949 сс. — Дьокуускайдааҕы педагогическай институт физмат факультетын студена.
• 1949—1952 сс. — Абый оройуонун Дружина орто оскуолатыгар физика уонна математика учуутала, завуч.
• 1952—1956 сс. — ССРС НА Саха Сиринээҕи филиалын физика проблематын лабораториятын лаборана (1962 сылтан — космофизическэй чинчийиилэр уонна аэрономия Института).
• 1962—1992 сс. — Институтка бастакы учуонай секретарь, комплексная экспедиция начальнига, лаборатория сэбиэдиссэйэ, Институт директорын солбуйааччыта.
• 1967 с. — физико-математическай билимнэр кандидаттарыгар «Временные вариации широких атмосферных ливней космических лучей» тиэмэҕэ диссертациятын ситиһиилээхтик көмүскээбит.
• 1985 с. — физико-математическай билимнэр доктордарыгар «Широкие атмосферные ливни от космических лучей» тиэмэҕэ диссертациятын ситиһиилээхтик көмүскээбит.
• 1988 с. — «Физика атомного ядра и космических лучей» идэҕэ профессор аата иҥэриллибит.

Наҕараадалара уонна ытык ааттара

• Ленин бириэмийэтин лауреата (1982)
• ССРС НА Сибиирдээҕи салаатын үтүөлээх бэтэрээнэ (1982)
• Саха АССР билимин үтүөлээх деятелэ
• «Бочуот Знага» уордьан
• Абый улууһун Ытык олохтооҕо

Аатын үйэтитии

• ШАЛ билим полигонун коллектива күүстээх атмосфернай ардахха «Никодим Ефимов» аатын биэрбит (1992)
• Н. Н. Ефимов аата Абый улууһун Үрүҥ Хайа гимназиятыгар иҥэриллибит (2003)

Сигэлэр

• Институт космофизических исследований и аэрономии имени Ю. Г. Шафера: Ефимов Никодим Николаевич
• МОУ «Белогорская гимназия имени Н. Н. Ефимова»: Никодим Николаевич Ефимов