Драхма (Греция харчыта)
Дра́хма (гир. Ελληνική Δραχμή) — Греция харчыта.
Греция тутулуга суох буолуутуттан ыла «греческэй феникс» диэн ааттаах, 100 лептаҕа тэҥнэһэр тус харчытын олохтообута. 1 феникс = 1/6 куруш (пиастр) тэҥнэһэрэ эбэтэр 1 Франция франкатыгар.
Билиҥҥи Греция дойдутугар үрүҥ көмүс драхма Оттон король салайар кэмигэр 1833 сыл олунньу 8 күнүгэр киирбитэ, 1 финикс = 1 драхма. Бу иннинэ 1828 сыллаахха драхманы омук валютатын быһыытынан Иоанис Каподистрия киллэрэ сатаабыта.
Ниэмэс оккупациятын кэмигэр Грецияҕа гиперинфляция буолбута. Саҥа драхма 1944 сыллаахха сэтинньи 11 күнүгэр киирбитэ. 1 саҥа драхма 50 миллиард эргэ драхмаҕа уларытыллара. Инфляция салгыы барбыта, 1954 сыллаахха ыам ыйын 1 күнүгэр саҥа уларытыы буолбута, 1 саҥатыллыбыт драхма 1000 эргэ драхмаҕа уларытыллыбыта.
2002 сыл тохсунньу 1 күнүгэр драхма евронан солбуллубута. Официальнай куурса 1 евро = 340,75 драхма этэ.
Драхма бэлиэтэ
«Драхма» диэн тыл хас биирдиитэ тус бэлиэлээх (Unicode стандартка киирбит):
- Былыргы Грецияҕа харчы ахсаанын кээмэйэ — ł (
); - Былыргы Грецияҕа ыйааһын кээмэйэ — 𐅻 (<·);
- алхимияҕа уонна фармацевтикаҕа — ʒ;
- Греция национальнай валютата 1832—2002 сс. — ₯.
Манньыаттар
Билиҥҥи драхма манньыаттарын бастакы серията 1868 сыллаахха тахсыбыта:
- 1, 2, 5 уонна 10 лепталар алтантан оҥоһуллубуттара,
- 20 уонна 50 лепта — үрүҥ көмүстэн,
- 1, 2, 5, 10 уонна 20 драхма — кыһыл көмүстэн.
1894 сыллаахха 10 уонна 20 лепталар алтан-никель буккаастаах. 1 уонна 2 сыаналаах лепталар манньыаттарын таһаарыы тохтотуллубута. 1911 сылтан 1 уонна 2 драхмалар үрүҥ көмүстэн оҥоһуллубуттара. 1926 сылтан манньыаттар саҥа сериялара тахсыбыта, 20 лептаттан саҕалаан 5 драхмаҕа дылы манньыаттар алтан-никель букккаастаах матырыйаалтаан быһыллыбыттара, 10 уонна 20 драхмалар үрүҥ көмүстэн.
Греция евроҕа көһүөн иннинэ эргииргэ баар манньыаттар:
- 1 драхма (€0,0029)
- 2 драхма (€0,0059)
- 5 драхма (€0,0147)
- 10 драхма (€0,0293)
- 20 драхма (€0,0587)
- 50 драхма (€0,147)
- 100 драхма (€0,293)
- 500 драхма (€1,47)
Өссө маны көр
Сигэлэр
| Билэ:Noto Emoji Lollipop 1f4b1.svg | Бу үпкэ-харчыга туһунан сиппэтэх ыстатыйа. Көннөрөн уонна эбэн биэрэн УРУБИИКИ көмөлөһүөххүн сөп. |
