Нуучча тылынанАнал бырайыактар
Тылы уларыт
УРУБИИКИ ТУҺУНАН

Барамыгин Николай Константинович

Николай Константинович Барамыгин (1886 сыл ахсынньы 12 күнэ, Пеледуй, Саха АССР — 1972) — сэбиэскэй полевод, Социалистыы Үлэ Дьоруойа, Өлүөхүмэ оройуонун Энгельс аатынан холкуос биригэдьиирэ.

Олоҕун олуктара

1886 сыллаахха ахсынньы 12 күнүгэр Пеледуй сэлиэнньэҕэ (билигин Ленскэй улууһа) бааһынай дьиэ кэргэнигэр төрөөбүтэ.

1921 сыллаахтан Өлүөхүмэҕэ олорбута, хамначчытаабыта, онтон сир үллэһэн Аммаҕа үлэлээбитэ. 1927 сыллаахха холбоһуктааһыҥҥа кыттыбыта, сири таҥастыыр табаарыстыбаҕа киирбитэ.

1946 сылтан биэнсийэҕэ тахсыар диэри Ф. Энгельс аатынан холкуос биригэдьииринэн үлэлээбитэ. 1949 сыллаахха кини биригээдэтэ 65 гектар иэннээх сиртэн ортотунан гектар аайыттан 29 центнер бурдугу ылан, рекордтаах үүнүүнү ситиспитэ.

ССРС Үрдүкү Сүбэтин Президиумун 1950 сыл бэс ыйын 21 күнүнээҕи Ыйааҕынан Барамыгин Николай Константиновичка Социалистическай Үлэ Геройун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.

1972 сыллаахха өлбүтэ[1].

Наҕараадалара уонна ытык ааттара

  • Социалистыы Үлэ Дьоруойа[2] (1950);
  • Сиэрпэ уонна Балта мэтээл (1950);
  • Ленин уордьана (1950).

Аатын үйэтитии

  • 1964 сыллаахха Н. К. Барамыгин аата Саха сирин Бочуотун Кинигэтигэр киирбитэ[3];
  • И. Я. Строд аатынан Өлүөхүмэтээҕи Түмэлгэ Н. К. Барамыгиҥҥа аналлаах хос тэриллибит[4];
  • Өлүөхүмэ куоратыгар кини аатынан уулусса ааттаммыт, бүүс туруоруллубута;
  • 2022 сыллаахха «Алроса» хампаанньа Ньурба хостуур сириттэн булуллубут 71,32 карат ыйааһыннаах алмааска Николай Барамыгин аатын иҥэрбитэ[5].

Быһаарыылар

Сигэлэр

Категориялар