Бальбоа (харчы)
Бальбоа — Панама харчыта, бытарытыллар харчыта 100 сентесимо.
1904 сыллаахха эргииргэ киирбит, Испания конкистадора Васко Нуньес де Бальбоа чиэһигэр ааттаммыт.
1934 сылга дылы бальбоа манньыатыгар ырааһынан кыһыл көмүһэ 1, 5048 г эбит, бу АХШ долларыттан (1, 50463 г) арыычча үрдүк, ол да буоллар бальбоа долларга тэҥнэнэрэ.
1934 сыллаахтан билиҥҥи кэмҥэ диэри бальбоа АХШ долларыгар 1:1 олохтоммут сыһыаннаах.
Манньыаттар уонна банкноталар
Эргииргэ 2, 1, 1/2, 1/4, 1/10 бальбоа, 5 уонна 1 Панама сентесимоларын манньыаттара бааллар. Итини таһынан 500, 200, 100, 75, 50, 20, 10, 5 уонна 1 бальбоа өйдөбүл манньыаттара тахсыбыттара.
Кумааҕы харчынан сокуонунан төлөбүргэ көҥүллэммит АХШ доллара эргииргэ баар. Биир кэмҥэ, 1941 сыллаахха, 20, 10, 5 уонна 1 бальбоа банкноталара бэчээттэнэ сылдьыбыттара да, аҕыйах хонугунан эргииртэн уһуллубуттара, «сэттэ күннээх доллар» диэн ааттаммыттара.
Өссө маны көр
Сигэлэр
- Open exchange rates. — Сайт API-провайдера. — OER, 2012.(ааҥл.)
- Международный валютный фонд. — Официальный сайт. — МВФ, 2011.(нууч.)
- Обиходные монеты Панамы(нууч.)
| Билэ:Noto Emoji Lollipop 1f4b1.svg | Бу үпкэ-харчыга туһунан сиппэтэх ыстатыйа. Көннөрөн уонна эбэн биэрэн УРУБИИКИ көмөлөһүөххүн сөп. |
