Баишев Юрий Петрович
Баишев Юрий Петрович (төр. 1953 сыл ахсынньы 13 күнэ, Лоомтука) — Арассыыйа бэлиитикэ деятелэ. СӨ физическай култууратын уонна успуордун үтүөлээх үлэһитэ, Мэҥэ-Хаҥалас улууһун Ытык киһитэ, педагогическай билим хандьыдаата. Ил Түмэн V уонна VI ыҥырыыларын дьокутаата.
Саха Өрөспүүбүлүкэтин Ил Түмэнин дьиэ кэргэн, оҕо, ыччат, физическэй култуура уонна успуорт дьыалаларыгар анаммыт уларыйбат кэмитиэтин бэрэссэдээтэлэ (2013—2018)[1].
Биография
Юрий Баишев 1953 сыллаахха ахсынньы 13 күнүгэр I Тыыллыма нэһилиэгэр төрөөбүтэ[1].
Үөрэҕэ
1979 сыллаахха Красноярскайдааҕы педагогическай институту бүтэрбитэ.
2002 сыллаахха педагогическай билим хандьыдаата буолбута.
2008 Арассыыйа Федерациятын бэрэсидьиэнин иһинэн судаарыстыбаннай сулууспатын академиятын бүтэрбитэ[1].
Үлэтэ
Олимпийскай эрэллэри бэлэмниир аналлаах оскуола дириэктэрэ.
1984—1987 сылларга өрөспүүбүлүкэтээҕи «Урожай» уопсастыба бэрэссэдээтэлин солбуйааччы.
1987 сылтан 1992 сылга диэри Саха АССР Госкомспордун Үрдүк спортивнай маастарыстыба оскуолатын дириэктэрэ.
1992—1993 сылларга Саха Өрөспүүбүлүкэтин успуорт министиэристибэтин өрөспүүбүлүкэтээҕи аналлаах ДЮСШ дириэктэрэ.
1993—2003 Саха Өрөспүүбүлүкэтин успуорт министиэристибэтин физическэй култуура уонна успуорт салаатын начальнига.
2007—2011 сылларга Дьокуускай куорат уокуруг дьаһалтатын социальнай боппуруостарга салаатын баһылыгын солбуйааччыта.
2011 сылтан 2013 сылна диэри Саха Өрөспүүбүлүкэтин Ыччат бэлиитикэтин уонна успуорт миниистэрин бастакы солбуйааччыта.
2003 сылтан 2007 сылга диэри СӨ физическай култууратын уонна успуордун госкомитетын бэрэссэдээтэлин бастакы солбуйааччынан үлэлээбитэ.
2013—2018 сылларга Саха Өрөспүүбүлүкэтин Ил Түмэнин Дьиэ кэргэн, оҕо, ыччат, физкультура уонна успуорт дьыалаларыгар уларыйбат кэмитиэтин бэрэссэдээтэлэ[1].
Наҕараадалара
- СӨ физическай култууратын уонна успуордун үтүөлээх үлэһитэ[1];
- Мэҥэ-Хаҥалас улууһун ытык киһитэ[1];
- Тыыллыма нэһилиэгин ытык киһитэ[1];
- «Арассыыйаҕа олимпийскай хамсааһыҥҥа үтүөлэрин иһин» бэлиэ[1];
- Ил Түмэн бочуотунай грамотата[1];
- Арассыыйа Федерациятын Физическэй култуураҕа, успуортка уонна туризмҥа судаарыстыбаннай кэмитиэтин «Физическэй култуура уонна успуорт сайдыытыгар үтүөлэрин иһин» бочуоттаах бэлиэтэ[1].