Афанасьев Николай Иванович
Афанасьев Николай Иванович (1925 сыл ахсынньы 14 күнэ, Балаҕаччы, Саха АССР) — учуутал, Бүлүү улуууһун Бороҕон оскуолатыгар 46 сыл дириэктэринэн үлэлээбит педагогическай үлэ уонна сэрии ветерана, Саха сирин уонна РСФСР оскуолаларын үтүөлээх учуутала, ССрс үөрэҕэриитин туйгуна, «Ытык аҕа» уонна «Гражданская доблесть» диэн бэлиэлэрдээх[1].
Олоҕун олуктара
Николай Афанасьев 1925 сыллаахха ахсынньы 14 күнүгэр Балаҕаччы сэлиэнньэҕэ төрөөбүтэ.
1943 сыллаахха Н. Г. Чернышевскай аатынан Бүлүүтээҕи педагогическай училищены бүтэрбитэ.
1943 сыл бэс ыйын 12 күнүгэр Кыһыл аармыйа кэккэтигэр ыҥырыллыбыта. 1947 сыллаахха демобилизацияламмыта.
1949 сыллаахха Дьокуускайдааҕы учуутал институтун, 1973 сыллаахха А. И. Герцен аатынан Ленинградтааҕы судаарыстыбаннай педагогическай институту «нуучча тылын уонна литературатын учуутала» идэтинэн бүтэрбитэ.
Педагогическай стааһа 51 сыл, онтон 46 сылын Бүлүү улууһун Бороҕон орто оскуолатын дириэктэринэн үлэлээбитэ.
Наҕараадалара
- Саха Өрөспүүбүлүкэтин норуодунай учуутала;
- РСФСР уонна Саха АССР үтүөлээх учуутала;
- ССРС иитиитин-үөрэхтээһинин туйгуна;
- ССРС Геологияҕа уонна сир аннын харыстааһыҥҥа министерствотын социалистическай куоталаһыытын туйгуна;
- Улуу Аҕа дойду сэриитин бэтэрээнэ;
- Саха Өрөспүүбүлүкэтин Ытык олохтооҕо;
- Бүлүү улууһун Ытык олохтооҕо;
- Бүлүү улууһун Бороҕон нэһилиэгин Ытык олохтооҕо.
Аатын үйэтитии
Бүлүү улуууһун Бороҕон нэһилиэгэр 2025 сыл Н. И. Афанасьевка анаммыта (төрөөбүтэ 100 сылыгар).