Архипова Зинаида Архиповна
Зинаида Архиповна Архипова (1980 сыл сэтинньи 15 күнэ, Амма (улуус киинэ), Саха АССР) — саха араассыыйатааҕы бэйиэтэ, кинигэ таһаарааччыта, суруналыыс. Арассыыйа Суруйааччыларын сойууһун чилиэнэ.
Олоҕун олуктара
1980 сыллаахха сэтинньи 15 күнүгэр Амма улууһун Амма сэлиэнньэтигэр төрөөбүтэ.
2003 сыллаахха М. К. Аммосов аатынан Саха судаарыстыбаннай университетын (билигин М. К. Аммосов аатынан ХИФУ) суруналыыстыка салаатын бүтэрбитэ.
Университет кэнниттэн «Амма олоҕо» улуус хаһыатын, «Саха сирэ» өрөспүүбүлүкэтээҕи уопсастыбаннай-бэлитиичэскэй хаһыат кэрэспэдьиэнинэн, «Халыма долгуннара» улуус хаһыатын эрэдээктэринэн үлэлээбитэ.
«Далбар Хотун» дьахталларга аналлаах өрөспүүбүлүкэтээҕи сурунаал сүрүн эрэдээктэринэн уонна «Алта» чааһынай кинигэ кыһатын салайааччытынан буолар[1][2].
Айар үлэтэ
Оскуола сааһыттан хоһоон суруйар 1997 сылтан оройуон хаһыатыгар, «Эдэр саас» өрөспүүбүлүкэтээҕи хаһыакка, «Чолбон», «Далбар Хотун» сурунаалларга бэчээттэнэр.
Икки хоһоон хомуурунньугун ааптара. Бастакы хомуурунньуга «Эн баар буолаар» («Будь со мной») 2003 сыллаахха тахсыбыта. Иккис хомуурунньуга «Түлүк уум түүллэрэ» диэн 2018 сыллаахха тахсыбыта[1][2].
Наҕараадалара уонна ытык ааттара
- Арассыыйа Суруйааччыларын сойууһун чилиэнэ (2014 сылтан);
- Саха Өрөспүүбүлүкэтин Бэчээтин туйгуна;
- Саха сирин Суруйааччыларын сойууһун хонтуруоллуур-кэрэһэлиир хамыыһыйатын чилиэнэ[1].