Аргунов Федот Семенович
Аргунов Федот Семенович (1928 сыл кулун тутар 22 күнэ, Игидэй нэһилиэгэ, Таатта улууһа — 2009) — теоретик-музыковед, саха муусукатын култууратын тарҕатааччы[1].
Олоҕун олуктара
Федот Аргунов Тааттаҕа Бастакы Игидэй нэһилиэгэр 1928 сылллаахха кулун тутар 22 күнүгэр төрөөбүтэ.
1944 сылтан Ытык Күөл орто оскуолатын бибилэтиэкэрэ.
1947 сылтан 1948 сылга диэри онтон 1950 сылтан 1953 сылга диэри Дьокуускай муусука училищетын учуутала.
1950 сыллаахха Дьокуускайдааҕы учуутула институтун бүтэрбитэ. 1959 сыллаахха муусука училищетын түөрүйэҕэ салаатын Грант Григорян кылааһын бүтэрбитэ.
1953 сылтан 1955 сылга диэри ССРС ЯФ АН тыл, литэрэтиирэ уонна устуоруйа институтун старшай лаборана.
1959 сылтан Саха АССР култуура министиэристибэтин ускуустубаҕа инспектор.
1961 сылтан 1968 сылга диэри Таатта муусука оҕо оскуолатын преподователэ.
1993 сылтан 2006 сылга диэри Таатта улууһун хомуньуустар баартыйаларын сэкирэтээрэ.
Айар үлэтэ
«Музыкальнай грамота» диэн 1960 сыллаахха сахалыы тылынан бэчээттэнэн тахсыбыт кинигэ ааптара. «Саха бастакы ырыалара» (1969). «Саха сирэ ыллыыр» (1956), «Эдэр саас ырыалара» (1965) нуоталаах хомуурунньукатры хомуйан таһаартаабыта. Саха муусукатын култууратын сайыннарыыга аналлаах. түөрүйэҕэ да, мэтиэдикэҕэ да сыһыаннаах үгүс ыстатыйалары өрөспүүбүлүкэ уонна дойду үрдүнэн бэчээттэппитэ.
ССРС Композитордарын сойууһун чилиэнэ.
Наҕараадалара
- Саха АССР култууратын үтүөлээх үлэһитэ (1963);
- РСФСР култууратын үтүөлээх үлэһитэ (1972)[1];
- Таатта улууһун ытык олохтооҕо
Аатын үйэтитии
- Федот Аргунов аата Таатта муусука оҕо оскуолатыгар иҥэриллибитэ.