Нуучча тылынанАнал бырайыактар
Тылы уларыт
УРУБИИКИ ТУҺУНАН

Андросов Иван Степанович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Андросов.

Андросов Иван Степанович (1962 сыл муус устар 19 күнэ, Баайаҕа нэһилиэгэ, Саха АССР) — архитектор, ААУо «Якутпроект» директордарын Сүбэтин бэрэссэдээтэлэ. Саха Өрөспүүбүлүкэтин ытык олохтооҕо.

Олоҕун олуктара

1962 сыллаахха муус устар 19 күнүгэр Алексеевскай оройуон (билиҥҥитэ Таатта улууһа) Баайаҕа сэлиэнньэтигэр төрөөбүтэ.

1983 сыллаахха Благовещенскайдааҕы судаарыстыбаннай педагогическай институту бүтэрбитэ.

Үлэтин 1983 сылтан саҕалаабыта: бастаан Баайаҕа орто оскуолатыгар физкултуура учууталынан, онтон Ытык-Күөллээҕи Оҕо успуордун оскуолатыгар (ДЮСШ) көҥүл тустууга тириэньэринэн үлэлээбитэ. 1986 сылтан 1988 сылга диэри Чурапчытааҕы райком ВЛКСМ иккис сэкирэтээринэн анаммыта, 1988 сылтан 1990 сылга диэри бу тэрилтэ бастакы сэкирэтээринэн таһаарыылаахтык үлэлээбитэ.

1991 сыллаахха Дьокуускай куоракка аан бастакынан «Архитектор Андросов» диэн айар мастарыскыайын арыйбыта.

1996 сыллаахха кинини «Сахапроект» Судаарыстыбаннай сири-уоту барылыыр-чинчийэр институт дириэктэринэн анаабыттара.

1997 сыллаахха Уһук Илиннээҕи судаарыстыбаннай сулууспа академиятын, оттон 2005 сыллаахха Ньиэп-гаас биисинэһин институутун «ньиэп-гаас биисинэһин менеджера» идэлээх бүтэрбитэ.

1998 сыллаахха И. С. Андросов биир идэлээхтэрин кытта «„Якутпроект“ Өрөспүүбүлүкэтээҕи бырайыак-көрдөөһүнү ыытар институт» аһаҕас акционернай уопсастыбаны тэрийбитэ[1].

2014 сылга диэри ААО «Якутпроект» генеральнай дириэктэрэ.

2014 сылтан ААО «Якутпроект» дириэктэр Сүбэтин бэрэссэдээтэлэ.

Үлэтэ

Сүрүн тутуулара[1]:

  • Дьокуускай куоракка Ленин уулуссатыгар баар «Якутзолото» производственнай холбоһук административнай дьиэтэ (1981 сыл);
  • Бүлүү куоракка Чернышевскай түмэлэ (1983 сыл);
  • Дьокуускай куоракка баар «Кыайыы 50 сыла» успуорт дыбарыаһа (1982 сыл);
  • Дьокуускай куоракка баар «С. Дежнёв уонна Абакайаада» пааматынньык (2000 сыл);
  • Орджоникидзе болуоссатыгар фонтан (2004 сыл);
  • Дьокуускай куоракка баар П. Бекетов пааматынньыктаах «Саха сирэ Арассыыйа судаарыстыбатын састаабыгар киириитин чиэһигэр» монумент (2007 сыл);
  • Сунтаар бөһүөлэгэр Олоҥхо дьиэтэ (2008 сыл);
  • Дьокуускай куоракка баар Кыайыы болуоссатын реконструкция (2010 сыл);
  • Дьокуускай куоракка баар 3000 миэстэлээх «Триумф» успуорт комплекса (2012 сыл);
  • Дьокуускай куоракка Сайсары күөл нөҥүө күргэ (2012 сыл);

Наҕараадалара уонна ытык ааттара

  • Саха Өрөспүүбүлүкэтин үтүөлээх архитектора;
  • Арассыыйа Федерациятын бочуоттаах архитектора;
  • Саха Өрөспүүбүлүкэтин ытык киһитэ (2007)[2];
  • Чурапчы улууһун ытык олохтооҕо (2003);
  • «Гражданская доблесть» бэлиэ (2013)[3].

Быһаарыылар

Категориялар