Нуучча тылынанАнал бырайыактар
Тылы уларыт
УРУБИИКИ ТУҺУНАН

Анджей Сапковский

Анджей Сапковский (пол. Andrzej Sapkowski, төр. 1948 сыл бэс ыйын 21 күнэ, Лодзь[d], Лодзь воеводствота[d]) — Польша суруйааччыта-фантаст уонна публицист, биллиилээх фэнтези- сага автора. 1948 сыллаахха Лодзь куоракка төрөөбүтэ. Лодзь университетын, тас эргиэн факультетын бүтэрбитэ. 1972 сылтан 1994 сылга диэри эргиэҥҥэ үлэлээбитэ.

Биография

1986 сыллаахха «Ведьмак» диэн бастакы сэһэнин суруйбута онно бэйэтин сүрүн дьоруойа — ведьмак Геральт Ривияттан. Ведьмак кылыһынан уонна аптаах бэлиэлэринэн араас мифическэй харамайдары харчыга өлөрөр.

1990 сыллаахха суруйааччы иккис кинигэтэ — «Последнее желание» (пол. Ostatnie życzenie). Бу эмиэ 7 саҥа, урут тахсыбыт сэһэннэртэн турар хомуурунньук этэ. 1993 сыллаахха кинигэ хаттаан бэчээттэммитэ.

1992 сыллаахха Сапковскай «Меч Предназначения» туһунан саҥа кинигэни таһаартарбыта. Өссө 6 кэпсээнтэн киирбит (бары кэпсээннэр нууччалыы тылбаастаммыттар, кинилэри биир томнаах «Ведьмак» уонна «Последнее желание» уонна «Меч Предназначения» таһаарыыларга курдук булуохха сөп).

1994 сыллаахха «Ведьмак и Ведьмачка» туһунан бэһис саганы саҕалаабыта: 1994 с. — «Кровь эльфов» (пол. Krew elfоw), 1995 сыл — «Час Презрения» (пол. Czas pogardy), 1996 с. — «Крещение огнем» (пол.  Chrzеst ognia), 1997 с. — «Башня Ласточки» (пол. Wieża Jaskółki), 1999 с. — «Владычица Озера».

2016 сыл от ыйыгар олох ситиһиилэрин иһин аан дойдутааҕы бириэмийэнэн наҕараадаламмыта.

2024 сыллаахха Анджей Сапковскай «Ведьмак» Геральт туһунан саҥа кинигэ тахсар күнүн биллэрбитэ. Кинигэ Польшаҕа ахсынньы ый саҕаланыытыгар тахсыаҕа диэн этиллибитэ. Айамньы бастакы баһа Nowa Fantastyka сурунаал сэтинньи 22 күннээҕи нүөмэригэр бэчээттэммитэ[3]. Кинигэ поляк тылынан Rozdroże Kruków диэн ааты ылбыта (нууччалыы тылбааһынан «Перекресток воронов» диэн), бу монстардары бултааччы суолугар саҥа эрэ үктэммит, олус эдэр Ривияттан төрүттээх Геральт туһунан кэпсээн буолар[4]. Арассыыйаҕа бу кинигэ аан дойду таһымнаах релизтыын тэҥҥэ — 2025 сыл балаҕан ыйын 30 күнүгэр — тахсыбыта[5].

Библиография

Ведьмак

  • «Последнее желание» («Ostatnie życzenie», 1990 сыл), кэпсээн хомуурунньуга
  • «Меч Предназначения» («Miecz przeznaczenia», 1992 сыл), кэпсээн хомуурунньуга
  • «Кровь эльфов» («Krew elfów», 1994 сыл)
  • «Час Презрения» («Czas pogardy», 1996 сыл)
  • «Крещение огнём» («Chrzest ognia», 1996 сыл)
  • «Башня Ласточки» («Wieża Jaskółki», 1997 сыл)
  • «Владычица Озера» («Pani Jeziora», 1998 сыл)
  • «Сезон гроз» («Sezon burz», 2013 сыл)

Эмиэ туспа кэпсээн сурулунна «Дорога без возврата» (польск. Droga, z której się nie wraca) (1988) уонна «Что-то кончается, что-то начинается» (пол. Coś się kończy, coś się zaczyna, ааҥл. Endings, Beginnings) (1992). «Дорога без возврата» Геральт төрөппүттэрин сэһэргиир, а «Что-то кончается, что-то начинается» ведьмак туһунан цикл концовкатын канон буотах барылын көрдөрөр.

Көмпүүтэр оонньуулара

В 2004 сылга «CD Projekt RED» хампаанньа «Ведьмак» диэн ааттаах ролевой көмпүүтэр оонньуутун оҥорон саҕалаабыта. Оонньуу 2007 сыл алтынньытыгар тахсыбыта. 2011 сылга «Ведьмак 2: Убийцы королей» диэн салҕыыта таһаарыллыбыта. 2015 сыл ыам ыйыгар «Ведьмак 3: Дикая Охота» диэн оонньуу үһүс чааһа күн сирин көрбүтэ. Ону таһынан салгыы анонса тахсыбыта.

Экранизациялар

2001 сылга Польшаҕа баар Heritage Films диэн тэлэбиидэнньэ студията Геральт туһунан «Меч Предназначения» уонна «Последнее желание» сэһэннэргэ олоҕуран «Ведьмак» (пол. Wiedźmin) диэн 13 сиэрийэлээх тэлэбиисэр сиэрийэтин устубута (режиссёра Марек Бродский, Геральт оруолун Михал Жебровский оонньообута). Бу сериалга олоҕуран 130 мүнүүтэлээх киинэ уһуллубута.

2009 сылга ведьмак туһунан сага сүрүн ис хоһоонугар олоҕуран, Ростов-на-Дону куораттааҕы ESSE диэн симфо-рок бөлөҕө «Дорога без возврата» диэн рок-операны суруйан, сыанаҕа туруорбута. Ону таһынан киинэ-мюзикл уһуллубута.

2017 сыл ыам ыйыгар Netflix диэн потоковай биэрии сервиһэ Platige Image уонна Sean Daniel Company хампаанньалары кытта бииргэ үлэлээн, «Ведьмак» сага сүрүн ис хоһоонугар олоҕуран саҥа сиэрийэни анонстаабыттара. Элбэх сиэрийэлээх киинэнэн продюсер Томаш Багиньскай дьарыктаммыта (кини «Собор» диэн кылгас мульткиинэтинэн Оскар номинаана этэ уонна «Ведьмак», «Ведьмак 2: Убийцы королей» оонньуулар киирии роликтарын ааптара). Шоураннерынан продюсер уонна сценарист Лорен Шмидт Хиссрих анаммыта, оттон бастакы сезон режиссёрдарынан Алик Сахаров, Алекс Гарсия Лопес, Шарлотта Брэндстрём уонна Марк Джобст буолбуттара. Сериал премьерата 2019 сыл ахсынньы 20 күнүгэр буолбута.

2019 сыл ахсынньытыгар Польшаҕа оҥоһуллубут «На полвека поэзии позже» (пол. Pół Wieku Poezji Później) диэн уус-уран киинэ тахсыбыта. Киинэ ис хоһооно «Ведьмак» эйгэтигэр буолар. Бу киинэ коммерческайа суох төрүккэ олоҕуран оҥоһуллубута. Үлэҕэ идэтийбит кинематографистар уонна ролевиктар кыттыыны ылбыттара.

Быһаарыылар

  1. ↑ Andrzej Sapkowski // Internet Speculative Fiction Database (англ.) — 1995.
  2. ↑ Andrzej Sapkowski // BD Gest' (фр.)
  3. ↑ [Раскрыта дата выхода следующей книги по «Ведьмаку» https://www.gazeta.ru/tech/news/2024/10/20/24194197.shtml]. gazeta.ru (20 Алтынньы 2024). Сигэнии күнэ: 20 Алтынньы 2024.
  4. ↑ Молодой Геральт разносит монстров — Сапковский раскрыл детали новой книги по «Ведьмаку» Артём Вайс. igromania.ru. Сигэнии күнэ: 21 Сэтинньи 2024.
  5. ↑ АСТ показало новую обложку романа Анджея Сапковского о ведьмаке, РБК (1 Атырдьах ыйын 2025). Сигэнии күнэ: 1 Атырдьах ыйын 2025.

Сигэлэр

Эбии бу тиэмэҕэ

Категориялар