Нуучча тылынанАнал бырайыактар
Тылы уларыт
УРУБИИКИ ТУҺУНАН

Акгюль Таха

Таха Акгюль (туур. Taha Akgül, төр. 1990 сыл сэтинньи 22 күнэ, Сивас[d]) — турок тустууга, 2016 олимпиада чөмпүйүөнэ, аан дойду үс төгүллээх чөмпүйүөнэ, Европа тоҕус төгүллээх чөмпүйүөнэ (2012, 2013, 2014, 2017, 2018, 2019, 2021, 2022, 2023) уонна 2015 сыллааҕы Европа Оонньууларын чөмпүйүөнэ. Турция Тустуу федерациятын баһылыга (2024)[1].

Биографията

Таха Акгюль 1990 сыллаахха сэтинньи 22 күнүгэр Турцияҕа Сивасе диэн сиргэ төрөөбүт.

Акгюль аҕатын уонна убайын батыһан 2003 сылга тустуунан дьарыктанан саҕалаабыта. Кини 2012 сыллаахха буолбут 40-с Яшар Догу Аан дойдутааҕы тустуу турнирыгар кыһыл көмүс мэтээли ылбыта. Сербияҕа, Белградка, буолбут 2012 сыллааҕы Европа Чөмпүйэнээтигэр Таха Акгюль бэйэтин ыйааһын категориятыгар чөмпүйүөн буолбута. Билигин кини Абдулрашид Садулаевы кытта саамай бастыҥ туста сылдьар бөҕөһүнэн ааҕыллар.

Кини 2012 сыллааҕы Олимпийскай оонньууларга кыттарга быраабы ылбыта. 1/16 финалга Арассыыйа тустуугугар Билял Маховка хотторон баран, чиэппэрфиналга ааспатаҕа. Финляндияҕа, Куортаҥҥа, ыытыллыбыт 2012 сыллааҕы университеттар икки ардыларынааҕы аан дойду тустуутун чөмпүйэнээтигэр, кини бэйэтин ыйааһын категориятыгар кыһыл көмүс призер буолбута.

Таха Акгюль Грузияҕа, Тбилисигэ, буолбут 2013 сыллааҕы Европа тустуутун чөмпүйэнээтигэр бэйэтин Европа чөмпүйүөнэ диэн аатын көмүскээбитэ. Кини Венгрияҕа, Будапешка, ыытыллыбыт 2013 сыллааҕы Аан дойду тустуутун чөмпүйэнээтигэр боруонса мэтээли ылбыта.

2014 уонна 2015 сылларга кини 125 кг-ҥҥа диэри ыйааһын категориятыгар аан дойду чөмпүйүөнэ диэн титулу ылбыта. 2014 сыллаахха Кини Турция Тустуу федерациятынан сыл бастыҥ бөҕөһүнэн ааттаммыта. Кини 2016 сыллааҕы Олимпийскай оонньууларга финалга Комейл Гасемины кыайан, кыһыл көмүс мэтээли ылбыта.

2019 сыллаахха Казахстааҥҥа ыытыллыбыт Олимпиада иннинээҕи чөмпүйэнээккэ 125 кг категорияҕа Таха Акгюль үрүҥ көмүс мэтээли ылан, олимпийскай лиссиэнсийэни ылбыта.

Токиоҕа буолбут 2020 сыллааҕы Олимпийскай оонньууларга, 1/8 финалтан саҕалаан, Канаада тустууга Амар Дхесины 5:0 кыайан барбыта. 1/4 финалга ыарахан ыйааһын тахсан эрэр сулуһугар Гейбл Стивсоҥҥа кыайтарбыта, киниэхэ 0:8 биэрбитэ.

2021 сыллаахха Норвегия киин куоратыгар алтынньыга ыытыллыбыт Аан дойду чөмпүйэнээтигэр, 125 кг-ҥа диэри ыйааһын категориятыгар боруонса призер буолбута. Полуфиналга Иран бөҕөһүгэр Амир Зареҕа кыайтарбыта.

Парижка буолбут 2024 сыллааҕы Олимпийскай оонньууларга, Георгий Мешвилдишвилины (Азербайджан) кытта 3-с миэстэни үллэстибитэ[2][3].

2024 сыл ахсынньы 20 күнүгэр Турция Тустуу федерациятын салайбыта[1].

Ситиһиилэрэ

  • 2010 сылга Сир ортото байҕал оонньууларыгар уонна ыччаттар аан дойдутааҕы чөмпүйэнээттэригэр үрүҥ көмүс призер буолбута.
  • 2011 сылга норуоттар икки ардыларынааҕы биллэр күрэхтэргэ боруонса мэтээллэри ылбыта — Стамбулга Яшара Догу мемориал турнирыгар уонна Минскэй куоракка Александр Медведь турнирыгар.
  • 2012 сылга Европа чөмпүйүөнэ буолбута, ол эрээри Лондоннааҕы Олимпиадаҕа 8-с миэстэҕэ тиксибитэ
  • 2013 сылга Европа, Универсиада уонна Сир ортото байҕал чөмпүйүөнэ буолбута, Аан дойду Куубагар, Яшар Догу мемориалыгар бастаабыта, Аан дойду чөмпүйэнээтигэр үһүс миэстэҕэ тиксибитэ.
  • 2014 сылга Яшар Догу мемориалыгар иккиһин бастаабыта, ону таһынан Аан дойду уонна Европа чөмпүйүөнэ буолбута.
  • 2015 сылга Европа Оонньууларын уонна Аан дойду чөмпүйүөнэ буолбута.
  • 2016 сылга Рио-де-Жанейро куоракка ыытыллыбыт сайыҥҥы Олимпия ооннууларыгар бастаабыта.
  • 2017 сылга Европа Чөмпүйэнээтигэр кыайбыта уонна Аан дойду чөмпүйэнээтигэр 2-с буолбута.
  • 2018 сылга Европа чөмпүйүөнэ буолбута.
  • 2019 сылга Европа чөмпүйүөнэ буолбута.
  • 2021 сылга Европа чөмпүйүөнэ буолбута.
  • 2022 сылга Европа чөмпүйүөнэ буолбута.
  • 2023 сылга Европа чөмпүйүөнэ буолбута[4].

Билинии

  • 2016 сылга Турцияҕа «Сыл спортсмена» ааты ылбыта.

Быһаарыылар

  1. ↑ 1 2 Таха Акгюль избран президентом Федерации борьбы Турции(биллибэт). elemnews.kz. Сигэнии күнэ: 25 Балаҕан ыйын 2025.
  2. ↑ Наш национальный борец Таха Акгюль завоевал бронзовую медаль на Олимпийских играх в Париже.(биллибэт). Haberler.com. Сигэнии күнэ: 25 Балаҕан ыйын 2025.
  3. ↑ Олимпиада-2024. Вольная борьба. Японка Мотоки, Петриашвили из Грузии и Жамалов из Узбекистана взяли золото, Спортс’’. Сигэнии күнэ: 25 Балаҕан ыйын 2025.
  4. ↑ Непобедимый Акгюль, золотой хет-трик Салказанова и победа Азербайджана: в Хорватии разыграли все медали чемпионата Европы по вольной борьбе — СПОРТ25 (рус.). Спорт 25. Сигэнии күнэ: 25 Балаҕан ыйын 2025.

Сигэлэр

  • Таха Акгюль — олимпийская статистика на сайте Sports-Reference.com(ааҥл.)

Эбии бу тиэмэҕэ

Категориялар