Миядзаки Хидэтака
| Хидэтака Миядзаки | |
|---|---|
| дьоп. 宮崎 英高 | |
.png) | |
| Төрөөбүт күнэ | 19 балаҕан ыйын 1974 (50 саастаах) |
| Төрөөбүт сирэ | Сидзуока (куорат) |
| Гражданство |
 Дьоппуон |
| Үлэтэ | Геймдизайнер |
| Наҕараадалар уонна бириэмийэ | |
 Биики Хааһахха миэдьийэ билэлэр | |
Миядзаки Хидэтака (FromSoftware президенэ[1]. 29 сааһыгар оонньуулары айар буолбута.
Аан дойдуга Souls оонньуулар серияларын режиссерын быһыытынан биллибитэ. Өссө Armored Core 4 уонна Armored Core: For Answer бырайыактарга үлэлээбитэ[2].
Үксүн, Миядзаки оонньуулара үрдүк ыарахаттардаахтар. Оонньууларын ааһарга нарратив, көстүбэт сүбэлэр эбэтэр разработчиктартан эпиграфтар көмөлөһөллөр[3].
Биография
Эрдэтээҥи сыллара
Миядзаки этэринэн, кини Сидзуока куоракка олус дьадаҥыҕа улааппыт. Оҕо эрдэҕиттэн ааҕарын сөбүлүүрэ, ол гынан баран дьоно элбэх кинигэни атыылаһар кыахтара суоҕун иһин, библиотекаттан ыларга күһэллибитэ. Кини ситэ өйдөөбөт кинигэлэри ааҕара — сороҕор уустук ис хоһоонноох, сороҕор ааҥыл тылын ситэ билбэт буолан. Миядзаки этэринэн, ис хоһоону өйдүүрүгэр иллюстрациялары туһанар эбит. Бу дьарык кэлин кинини видео оонньуулары оҥорорго угуйбута[2].
Үлэ
Киото университетын бүтэрэн баран, Хидэтака Миядзаки Oracle Corporation диэн хампаанньаҕа бухгалтерынан үлэҕэ киирбитэ. Доҕорун сүбэтинэн, 2001 сыллаахха Ico диэн көмпүүтэр оонньуутун интэриэһиргиир — бу мистическэй остуоруйа, оонньооччулар уорбаланааччылар куота сылдьар кыыһы илиититтэн тутан илдьэ барыахтаах уол оруолун толороллор. Оонньуу Миядзакины идэтин уларытар уонна видео оонньуу дизайнера буолар туһунан толкуйдуурга көҕүппүт. 29 сааһыгар FromSoftware-га программист быһыытынан киирбитэ, онно Armored Core: Last Raven диэн бырайыакка үлэлиир буолбута. Онтон Demon’s Souls тахсарыгар эппиэттиир этэ. Таһыллыбытын кэннэ биир нэдиэлэ иһигэр 20 тыһыынча курдук экземпляр атыыламмыта, Sony диэн таһаарааччы күүппүтүнээҕэр быдан кыра буолбут. Demon’s Souls оонньооччуттан куйах уонна сэрии сэбин-сэбиргэлин уустук систиэмэтин үөрэтэргэ эбэтэр кытаанах накаастабылы көрсөрүн ирдиир этэ. Бу судургу фэнтези буолбатаҕын, майгыны уонна тулууру тургутуу эбитин өйдүүргэ хас да нэдиэлэ барбыт. Оонньуу эмиэ туспа уратылаах этэ: кыттааччылар оонньуу эйгэтигэр бэйэ-бэйэлэригэр сурук хаалларыахтарын сөп этэ, дьиэ үрдүгэр уонна эркиннэргэ тырыттаран, чугас баар куттал баарын сэрэтэн, эбэтэр атын оонньооччулары дьаабыга албыннаан. Бу ырааҕы көрөр биир киһилээх оонньууга социальнай механика туттуута кэлин уонунан разработчиктар бэйэлэрин оонньууларыгар көһөрбүттэрэ. Миядзаки биллэр буолбут. Сотору, Дьоппуон таһыгар Demon’s Souls-у таһаарарга бэлэм таһаарааччылар булуллубуттара[2].
Онтон Dark Souls тахсыбыта, уонна 2012 сыллаахха FromSoftware Sony Computer Entertainment-ы кытта бииргэ үлэлээн Миядзаки салалтатынан саҥа оонньууну (Bloodborne диэн ааттаах) оҥорбуттара. Ол кэмҥэ хампаанньа биир кэмҥэ 2 саҥа бородууксуйаны оҥороро, онон Хидэтака Dark Souls II үлэтин ылбатаҕа, иккис чааһы атын разработчикка биэрбиттэрэ[4].
2015 сыллаахха Bloodborne тахсыбытын кэннэ, разработчик Dark Souls III бырайыакка үлэтин саҕалаабыта. Оонньуу Дьоппуоҥҥа 2016 сыллаахха кулун тутар ыйыгар тахсыбыта, онтон биир ый буолан баран атын дойдуларга тахсыбыта[5].
2016 сыл муус устар ыйыгар Миядзаки FromSoftware урукку Souls серияларыгар сыһыана суох оонньууну оҥоруутун саҕалаабытын туһунан иһитиннэрбитэ. E3 кэмигэр, 2018 сылга официальнайдык биллэриллибитэ. Sekiro: Shadows Die Twice диэн экшн-приключенческай оонньуу 2019 сыллаахха тахсыбыта. Ону таһынан, E3-кэ Déraciné диэн оонньуу биллэриллибитэ, оҥоһуутун Миядзаки тус бэйэтэ салайбыта, уонна Bloodborne оҥорор хамаандата онно үлэлээбитэ[6].
2018 сыллаахха сэтинньи 18 күнүгэр Хидэтака Миядзаки Golden Joystick Awards диэн бириэмийэни туттарыы церемониятыгар «Чаҕылхай ситиһиилэрин иһин» бириэмийэни ылбыта[7].
Үлэлэрэ
- Armored Core: Last Raven (2005) — былаан оҥорооччу
- Armored Core 4 (2006) — салайааччы
- Armored Core: For Answer (2008) — салайааччы
- Demon's Souls (2009) — салайааччы
- Dark Souls (2011) — салайааччы, продюсер
- Dark Souls II (2014) — супервайзер
- Dark Souls II: Scholar of the First Sin (2015) — супервайзер
- Bloodborne (2015) — салайааччы
- Dark Souls III (2016) — салайааччы
- Déraciné (2018) — салайааччы
- Sekiro: Shadows Die Twice (2019) — салайааччы
- Elden Ring (2022) — салайааччы
Быһаарыылар
- ↑ Ron Duwell. Dark Souls’ Hidetaka Miyazaki Promoted to President of From Software(ааҥл.)(суох сигэ — история). TechnoBuffalo (22/05/2014).
- ↑ The Guardian (31.03.2015).
- ↑ Dark Souls 3's Miyazaki interview: 'This is a turning point for the series'(ааҥл.)(суох сигэ — история). CNET (10.08.2015).
- IGN (21/05/2014).
- GameSpot (15/06/2015).
- ↑ E3 2018: Déraciné – приключение в виртуальной реальности от FromSoftware и Japan Studio(суох сигэ — история). PlayStation.Blog (12.06.2018).
- ↑ Стали известны победители Golden Joystick Awards 2018(суох сигэ — история). GameMag (16/11/2018).
Литэрэтиирэ
- Ромье С., Мешери Д. Dark Souls: за гранью смерти. Книга 2. История создания Bloodborne, Dark Souls III = Dark Souls. Par-dela la mort. Vol. 2: Bloodborne & Dark Souls III. — М.: Эксмо, 2024. — 530 с. — (Легендарные компьютерные игры).